Главоболки и мигренски главоболки

Вашиот живот ќе се промени со исчезнувањето на мигренската главоболка

 

 Почуствувајте  ја разликата и оставете ги мигренските главоболки зад себе

 Како резултат на моето досегашно испитување и искуство дојдов до заклучок дека заболувањата во вратот можат да бидат одговорни за широк спектар на состојби на мигренски главоболки..

Целта на овај текст е да ве снабди со информации кои што се поврзани со ваквите заболувања . Секој еден кој што ги има искусено мигренските главоболки се чувствува фрустрирано и незадоволно од лекарствата кои што ги добива и неговите обиди да најде трајно решение што ќе му донесе здравствено олеснување биле разочарувачки  и обесхрабрувачки . Затоа , нормално e ако имате чувство на скептицизам додека го читате ова .

Проблемот …

И покрај бројните вложувања кои што се посветени на испитувањето на синдромите на мигренските главоболки сепак за нас останува мистерија што е тоа што ги предизвикува .

Оваа ситуација води до тоа што на луѓето кои што страдаат од мигренскии главоболки им се даваат не една , не две , туку три , понекогаш и четири дијагнози.

Значи како што кажал еден од водечките светски имиња во оваа бранша Професор Peter Goatsby “ Давањето на дијагноза кај пациент со главоболки е предизвик …“  затоа што  “ главоболката чие што потекло лежи во заболувањето на вратот и мигрената често се изразуваат  на сличен начин“.

 

Затоа вашиот проблем се состои во тоа што и покрај бројните тестови и прегледи вие се уште немате добиено прецизен одговор . Често ви е речено дека ако одредено лекарство не делува ќе се замени со друго или едноставно ќе се зголеми дозата на лекот кој што се прима. Ова може да ви личи на експеримент и дека вие сте и самите осудени на доживотно земање на медикаменти .

Предизвикот е  исто така и во многуте години кои што би ги живееле во неизвесност , неспособни да ги планирате или да учествувате во важните друштвени случувања поради стравот од мигренски напад кој што може да се појави баш за време на овие настани ; да се одразува врз вашите меѓучовечки односи , или , врз вашата професија .

По мое скромно мислење , за да ја добиеме вистинската дијагноза и да направиме една демистификција на состојбата подобро е наместо да се фокусираме на она што не го знаеме , да размислиме и да се фокусираме на она што го знаеме за мигренските главоболки  :

Факт 1 .  Мигрената не ја предизвикуваат крвните садови

Факт 2 .  Тензичните главоболки не се предизвикани од напнатост на мускулите

Факт 3  .  Суштинското заболување на Мигрената лежи во преголемата чувствителност на продолжениот мозок.

Продолжениот мозок  ја филтрира информацијата која е на пат до мозокот ; поради преголемата чуствителност информацијата која што преминува преку него  е зголемена ; мозокот ја толкува оваа информација како закана , како нешто да е погрешно ( иако сепак не е ) , и реагира на тој начин што произведува ( главо) болка ) ;

Факт 4  .  Триптаните ( Zomig , Imigran , Zolmitriptan ) кои што се лекарства против мигрена ја прекинуваат мигрената ( и сега се употребуваат ефективно кај појава на менструални мигрени и кластер главоболки ) така што го влијаат на чувствителноста на продолжениот мозок ( и не ги стегаат крвните садови затоа што рековме дека причината не лежи во ширењето на крвните садови  ) ;

Факт 5  .  Иако постојат други надворешни фактори кои што доведуваат до преголема остеливост на продолжениот мозок  –  науката која што ја изучува анатомијата на нервите ни укажува на тоа дека неправилностите на вратот можат да ја зголемат чувствителноста на овој важен дел од телото , иако повеќето испитувања се фокусирани на други можни но до сега непотврдени причини ;

Факт 6  .  И покрај огромните средства кои што се посветени на испитувања за мигренозните главоболки на светско ниво , причината за преголемата чувствителност на продолжениот мозок  останува несватлива и нејасна ( затоа што во фокусот на испитувањата е мозокот! ) .

 

Иднината …

 Што ако постои начин со кој што може да се докажи дека неправилностите на вратот се извор на преголемата чувствителност и главна причина за појавување на мигренските главоболки .

Со помош на мојот метод на прегледување можам да утврдам дали вашиот врат е поврзан со вашите главоболки и прецизно да идентификувам кој од горните три кичмени сегменти е извор на главоболката . Овој начин на дијагностицирање е единствен во мануелната терапија.

Моето понатамошно испитување потврдува дека со ваквиот пристап се намалува преголемата осетливост на продолжениот мозок која е глевен предуслов за мигренскиот процес . за да го добиете истиот ефект без мануелна терапија потребно е да испиете јака доза на анти мигренски лекарства .

Третман …

 Ако се договориме да започнеме третман , значајно подобрување се очекува во рок од 5 третмани ( дури и ако сте имале главоболки во изминатите  15 – 30 години ). Кога го кажувам ова не велам дека сигурно ќе бидете излечени за тоа време , но за да се оправда понатамошниот третман подобрувањето треба да е очигледно .

Најдобар можен начин за да се створи промена на состојбата во овие неколку први третмани е ако тие се временски блиску еден до друг . На пример ако третманите се одвоени по една недела и повеќе тогаш се губи ефектот од третманот . Затоа третманите на почетокот не треба да бидат одвоени повеќе од три дена .

Меѓутоа , ако подобрување е забележано во првите 2 – 3 третмани , времето помеѓу закажаните средбите се зголемува .

Третманот вклучува техники на пасивни движења , кои што се применуваат на бавен, благ и долготраен начин –  еден “ убедлив “ тип на третман кој што има за цел да ги врати нормалните движења во деловите кои што се зафатени со неправилности и да се погрижи тие делови да  функционираат оптимално . Покрај тоа , за да се задржи здравата функција на ‘рбетниот сегмент , ќе биде потребен програм кој се состои од вежби ( само една или две ! )  и промена на држењето на телото .

Забележителен напредок се очекува во рок од четири до пет третмани и ако истиот изостане во тој период тогаш не е вероватно дека третманот ќе биде успешен .

Третманот  НЕ ВКЛУЧУВА  техника на манипулација (‘ крцкање ‘) .

 

Ако при прегледот не може да се најдат значајни неправилности во вратот , третманот не се препорачува.

Кои се шансите за успех  … ?

 Од клучно значење е откривањето  на нарушената функција на вратот. Постигнувањето на овој критичен чекор е основно за методот ; .за некои од вас ќе биде големо откритие , затоа што знам дека сте направиле безброј тестирања кои не покажале ништо!

Независните испитувања покажуваат дека  кај овие пациенти кои што го користеле овој метод се постигнува подобрување во преку     80 % .

Некои од нив потполно се ослободиле од главоболката , некои ја намалиле трајноста на истата ( наместо да им трае 2 до 3 дена , главоболката трае само 1 ден ) , додека кај некои пак наместо мигренската главоболка да се појавува 2 пати неделно , се појавува еднаш месечно .

Третманот ќе го откажам ако не сте спремни да се посветите на програмата која што ќе ја дизајнирам за вас . Не сакам да го трошам ниту вашето време ниту вашите пари ; исто така во случај да нема подобрувања и после 5 третмани  тогаш ќе дојде до исклучување на овој третман .

Што имате да изгубите ?  

( … освен вашата мигренска главоболка се разбира ! )

 Методот е лесен , со релативно ниска цена и не е инвазивен . Ако постои неправилност во вашиот врат што ја предизвикува мигренската главоболка , јас сум во можност да ја дијагностицирам веднаш после првиот третман !

Дури и ако сте имале претходни прегледи на вратот јас сум сигурен дека мојот преглед ќе биде поинаков од тие што сте ги имале порано …  и ако не можам да ја репродуцирам вашата вообичаена главоболка , третманот нема да ви го препорачам.

 

 

 

Професионални третмани при болки во грбот/дискус хернија

ПРОФЕСИОНАЛНО  ЛЕКУВАЊЕ

Пред да зборуваме за професионалното лекување , постои една важна точка на која би сакал да обратам внимание . Многу пациенти кои што користат професионални здравствени услуги очекуваат крајно решение за нивната повреда на ‘рбетот

Природата на ‘рбетниот проблем е таква што навистина трајно решение (што е нешто што се третира само еднаш и никогаш нема потреба да се грижите за проблемот повторно) едноставно во повеќето случаи не постои .

Иако хируршко отстранување на повредениот диск трајно ќе го спречи тој диск повторно да предизвикува симптоми , хируршкото отстранување на еден диск создава лузна на ткивото и го префрла механичкиот стрес на другите дискови, правејќи ги подложни на повреди. Всушност, едно од водечките статистички предвидувања дека на некој  ќе му треба хирургија на рбетот во иднина е дека тоа би биле само лугето кои што  имале направено ‘рбетна хирургија веќе.
Кога го третираме хроничниот проблем со ‘рбетот, многу е пореално да се размислува во смисла на “управување” со здравјето . Откако со третманот што се користи е постигнато максимално подобрување , многу е важно да продолжите да ја управувате или организирате вашата состојба со помош на авто-третман и мерки за спречување  на повредите кои што ги споменавме порано во текстот , и да продолжите со третманот што ви го препорачал вашиот лекар ..
Повеќето од вас што ја читаат оваа информација веќе поминале низ една или повеќе програми на професионален третман на  повредениот диск. Како што многу од вас открија, најчесто користените пристапи не обезбедуваат соодветни резултати, дури ни за краток  временски рок. Да ги погледнеме опциите кои што ни се на располагање.:
Лекови:

Без разлика дали зборуваме за лекови кои што се добиени на рецепт или не , постојат голем број на продукти кои што се достапни  и можат да обезбедат краткорочен симптом на олеснување на болката во ‘рбетот. За жал, лековите се ретко прифатливо долгорочно решение, бидејќи имаат несакани ефекти (иритирачки но во некои случаеви и опасни по  животот) и на тоа што телото се навикнува на лековите. Всушност, истражувањата покажуваат  дека секојдневната долгорочна употреба на лековите против болка може да ја зголеми болката со време како резултат на хипер-сензитивноста на нервниот систем , што ја предизвикале лековите.
НСАИЛ (нестероидни анти-инфламаторни лекови)  NSAIDS (Non- Steroidal Anti – Inflammatory Drugs )

 Како што се  аспирин, ибупрофен, па дури и на поновите COX-2 инхибитори .

НСАИЛ како Celebrex имаат дополнителен проблем што тие го инхибираат способноста на телото да произведе рскавица и
всушност може да ја забрза дегенерацијата кога се користи континуирано со текот на времето. Покрај тоа, некои лекови, како што се наркотичните лекови против болка и мускулни релаксанти, не може да бидат погодни за некои пациенти кои мора да се ментално концентрирани и активни за безбедно да ги извршуваат нивните дневни активности. Иако лековите може да биде многу корисни кога зборуваме за неколку дневно лекување , во моментите на сериозни симптоми тие не се ефикасно средство за справување со проблемите на дискот  во подолг рок.

Епидурална стероидна инекција (ESIs):

Исто така наречена “кортизон инекција”, бидејќи кортизонот е најстариот и најчесто користен стероид , ESIs може да бидат доста ефикасна во привремено намалување на воспалението и со што се намалуваат симптоми поврзани со испапчување и дегенерација на дискот. Стероидната инјекција првенствено е ефикасна во случај на поблаго испапчување на дискот затоа што во овие ситуации, воспалението е еден од примарните извори на компресија на нервите.

Во потешките случаеви, има повеќе директна компресија на нервните од самиот диск, па намалувањето на воспалението не може да има многу ефект врз симптомите, и може всушност привремено да ги зголеми симптомите бидејќи течноста од инекцијата ќе го зголеми притисокот околу нервот се додека телото не го апсорбира.
Во секој случај, со  ESIs не се лекува ништо, оваа инекција  едноставно го намалува притисок врз нервите поради воспалението, а понекогаш привремено донесува симптом на олеснување.
Симптомите на олеснување од ESIs може да траат од неколку дена до неколку месеци, во зависност од случајот.
За жал, бидејќи инјекциите не прават ништо за да го лекуваат дискот (и  всушност, понатаму додатно го ослабнуваат дискот), симптомот на олеснување што тие го носат може да им даде на луѓето лажно чувство на безбедност. Недостатокот на болка води кон тоа некои луѓе да бидат помалку внимателни со својот врат или грб , а тоа може да ги одведи кон патот на понатамошна повреда и оштетување.

Како што споменавме , кортизоните и другите стероиди имаат пропратен ефект што тие значително се мешаат со телото и со механизмите за нормално исцелување и всушност можат да ги ослабат коските и меките ткива во областа околу местото на инјектирање.
Ова е причината зошто лекарите обично го ограничуваат пациентот до максимум на три стероидни инјекции годишно. Тие не само што го ослабуваат ткивото, исто така, го ослабнуваат имунолошкиот систем на телото , со што тоа станува повеќе подложно на инфекции. За крај, иако често се промовирани како средство за избегнување на хирургија, една неодамнешна студија извршена на над 200 пациенти објавена во септември-октомври, 2004 издание на ‘Spine Journal објави дека повеќе од 2-ца  од 3-ца луѓе првично третирани со стероидни инјекции завршиле со дополнителни инвазивни процедури, односно хирургија, во рок од две години. Како што можете да видите , иако тие понекогаш се корисни во ублажување симптоми привремено, стероидните инјекции не се идеални, и не се многу ефикасно средство за лекување на проблемите со дискот за поголемиот дел од луѓето. Пред да се решите да ги примате научете повеќе за контраиндикациите налекарството.

Физикална терапија-Физиотерапија-Кинезитерапија

Физикалната терапија опфаќа широк спектар на третмани и може да  вклучуваат сè, од масажа до електричната мускулна стимулација, ултразвук, влечење, мануелна терапија  и  вежби. Физикална терапија може да се подели во два главни вида на третман: пасивни терапии и активни терапии.

Пасивните терапии вклучуваат било каков третман кој се прави врз пациентот. Електрични мускулна стимулација, масажа, специјализирана мануелна терапија ултразвук, мраз и топлина се меѓу најчесто користените пасивни терапии за хронични болка во кичмата , како на пример во случај на хернија на диск и дегенерација.

Некои терапии како мраз и некои видови на електрична стимулација се наменети првенствено за да се намали воспалението,и овие се обично се користат кога постои акутна тешка болка. Масажа, ултразвук и топлина се користи со намера за подобрување на циркулацијата и намалување на грчевите и стегањето на мускулите, и овие се користат повеќе во случаите каде што има вкочанетост, болка и намален опсег на движење. Масажата може да биде доста корисна за ублажување на болката во мускулите настаната како резултат на нервната иритација поврзана со дискот . Ако имате ишијас и одите на терапија со масажа, не заборавајте да му кажете на терапевтот за ишијасот, за тој или таа да знае да биди претпазлив во таа област. Пасивните терапии може да бидат доста корисни  за намалување на симптомите на болка, но ретко се долгорочно решение за приблемите со дискот . Мануелните техники се едни од најуспешните третмани за болки во рбетот и периферните зглобови и даваат најдобар долготраен ефект за пациентот. Мануелната терапија претставува комплекс од специјални техники и можите да ги добиете само од терапевти(физиотерапевти,кинезитерапевти, мануелни терапевти) кои го надоградиле своето знаење во оваа област.

Сега, ајде да смениме брзина и да разговараме за активни терапии. Активни терапии се работите кои ги прави  пациентот, имено
различни типови на вежби. Повеќето вежби за проблеми поврзани со дискот  треба да се прават откако ќе ги снема главните симптоми и не постои активно воспаление. За жал, од различни причини некои здравствените работници може да  вклучат активна терапија прерано, и ова може да резултира со влошување на ситуацијата на пациентот поради тоа што бил принуден да врши вежби пред телото е доволно здраво.
Кога третманот е приклучен во соодветно време, вежбата може да биде многу важна средство што ќе му помогне на пациентот да се опорави. Различни типови на вежби може да се користат. Некои терапевти имаат специјални машини на кои пациентите вежбаат,многу од кои имаат компјутеризирано следење и повратни системи да се прилагодат на тренингот на секој пациентот. Иако овие машини можат да бидат одлични и имаат многу предности во клинички услови, тие имаат  најмалку еден голем недостаток. Бидејќи , за да се задржат придобивките од овој програм – вежбањето мора да се практикува во текот на целиот живот, терапевските програми со овие скапи машини ги оставаат пациентите во непријатна ситуација кога тие ќе прекинат со третманот. Ако пациентот научил како да вежба само на специјални машини, тој има мала можност за одржување на придобивките на терапијта откако веќе нема да има пристап до тиа машини.
Поради ова, многу терапевти ја имаат признаено важноста од учење на пациентот на едноставни вежби што можат да се прават дома дури и без опрема. По моето мислење, оваа “ниско-технолошки” форма на вежбање најверојатно ќе му обезбеди на пациентот долгорочна корист. За понапредни програми за вежбање се препорачува да се работи со здравствен работник кој може да ја прилагоди програмата за потребите на поединецот и кој може да обезбеди основна опрема за да ја олесни вежбата кога пациентот е подготвен да ја спроведува самостојно дома .

Киропрактика

Киропрактички третман е често корисен во ублажување на симптомите на хернија и дегенерација на диск, а во некои случаи, всушност може да помогне во лечењето на дискот. Киропрактиката има два главни позитивни ефекти врз проблемите со дискот.  Прво, преку подобрување на функцијата на ‘рбетот, таа може да го намали абнормалниот механички стрес врз дисковите. Во некои случаи, ова го редуцира притисокот на оштетениот дел на дискот и со тоа го намалува изворот на нервоза и воспаление и ги подобрува шансите за излекување. Вториот корисен ефект на киропрактиката е тоа што произведува стимулација на посебни нервни завршетоци во `рбетот и околните ткива наречени механорецептори. Кога се стимулирани, овие нервни завршетоци испраќаат сигнали до мозокот кои ја блокираат перцепцијата на болката до различни степени. Покрај тоа, некои киропрактичари користат дополнителни типови на третман, вклучувајќи ги и пасивните и активните терапии , исто и може да обезбедуваат хранливи суплементи за да се намали воспалението и тензијата на мускулите. Одредени киропрактички техники се развиени специјално за третмани поврзани со проблеми. на дискот.

Нехируршкa декомпресија на ‘рбетот :

Овој релативно нов FDA-Одобрен третман за дискус хернија и дегенерација во долниот дел на грбот и вратот брзо станува многу популарен. Се користи од страна на киропрактичарите , физиотерапевти, остеопатските лекари и  лекари по медицина. ‘Рбетната декомпресија има предности што е безбедна,удобна за пациентот, не-инвазивна и крајноефективна (над 80% ефикасна во лумбалниот дел на ‘рбетот и 70% ефикасна во цервикалниот дел на ‘рбетот). Исто така, за разлика од повеќето третмани на дискот, ‘рбетниот декомпресија не само што ги намалува симптомите, но во многу случаи всушност ја намалува големината на дискус хернијата и ја подобрува хидратацијата и исхраната на дискот  и со тоа ја забавува и често делумно ја менува дегенерацијата на дискот. Овој третман се има покажано како ефективен и во многу случаеви каде што операцијата била изведена и не успеала да обезбеди резултати.

Постојат неколку недостатоци и ограничувања поврзани со ‘рбетната декомпресија. Прво, бидејќи тоа е  ново лекување,
постои ограничена достапност на истото. Второ, тоа генерално не може да се користи во случаи кога метал е
вграден во ‘рбетот (во областа каде што е потребен третман) или во случаи кога постои тешка остеопороза или спинална
нестабилност.

Хирургија:

 Ја зачував операцијата за последна бидејќи, според мое мислење, хирургијата секогаш треба да биде последна опција при проблемите со дискот. Да нема забуна, дефинитивно постојат времиња, кога операцијата е најдобра опција, а понекогаш и единствената опција, но во многу случаи постојат опции на третман, кои се значително побезбедни и имаат многу поголема долгорочна стапка на успех од операцијата. Во некои случаеви, мислам дека луѓето избрзуваат со операцијата мислејќи дека тоа ќе го реши нивниот проблем со дискот еднаш засекогаш, и тие ќе можат да продолжат со своите животи не морајќи да се грижат за тој проблем повеќе. Ова едноставно не е реален поглед на операцијата. Иако операцијата може да придонесе до драстични намалувања на болката и на други симптоми, овие резултати не се секогаш трајни. Треба пациентот да се биди свесен дека операцијата на дискот не ги враќа работите во нормала, туку всушност создава промени во ‘рбетната биомеханика и / или стабилноста на дискот што ве прави подложни на нови повреди  на дисковите ако не преземете многу добра грижа за  вашиот ‘рбет до остатокот од вашиот живот.

Постојат различни хируршки техники кои се користат за проблемите со дискот, но сите тие имаат ризици кои се
многу повисоки од било која не-хируршки форма на третман. Реакции на анестезија, потенцијална инфекција, и “лизгање на
ножот ” ја прават  ‘рбетната хирургија ризична. Ако навистина ви е потребна операција, препорачаната постапка зависи од специфичната природа на вашиот проблем, како и параметрите кои што ќе ви ги даде хирургот со кој што ќе се консултирате.
Обично, ризиците на постапката се зголеми во зависност од комплексноста, и во зависност од тоа дали има употребата на општа анестезија (во кој случај вие сте во несвест) или локална анестезија (во кој случај вие сте будни). Локална анестезија во главно се користи во минимално инвазивен тип на операција.
Без оглед на постапката, секој операција на дискот потенцијално го изложува на ‘рбетот на инфекција, и освен ризикот од анестезија, инфекцијата претставува најголем ризик во ‘рбетната хирургија. ‘Рбетната инфекција е крајно сериозна и тешко се лекува. И покрај сите ризици, не постои гаранција дека операцијата ќе ви помогне на подолг рок, и исто така не е невообичаено за работите да се влошат после операцијата. Дури и во случаеви каде што операцијата краткорочно помогнала, најчесто постојат проблеми кои се јавуваат од самото ткиво на лузната во месеците и годините што следат. Со текот на времето, ткивото на лузната може да се создаде исто толку или повеќе компресија на нервите од  што создавал проблемот со дискот пред операцијата. Повеќето хирурзи се многу отворени со своите пациенти за ризиците и неизвесностите во добивањето на саканите резултати, но треба да бидете свесни дека некои хирурзи ќе им дадат на своите пациенти нереални очекувања кои што може да резултираат со големи разочарувања.Различните хируршки процедури имаат различни предности и слабости. Минимално инвазивните техники имаат предност на помал ризик од анестезијата и инфекцијата, и опоравувањето од нив е релативно лесно. Ова овозможува средување на издуениот материјал на дискот и / или на вишокот коска од близината на нервот, и овој метод може да доведе до добри резултати скоро веднаш, со многу малку време за опоравување на пациентот. Еден потенцијален недостаток на оваа постапка е дека ако дел од дискот е одсечен, исечената област, барем привремено, е во ослабена состојба. Бидејќи многу пациенти се чувствуваат подобро, тие можат да продолжат со активностите кои донесуваат многу на стрес на сега ослабениот диск, и ова може да резултира за повторна повреда. По инвазивните видови на хирургија обично бараат општа анестезија и исто така, имаат поголем ризик од инфекција поради поголемите резови. Во зависност од природата на проблемот и советите на хирургот, оштетениот пршлен може да биде делумно или целосно отстранет, и ‘рбетот може да се остави да се спои природно (коските кои биле раздвоени од страна на дискот сраснуваат заедно со текот на времето), или хирургот може да го изведи спојувањето користејќи коска  и / или некој тип на метал.

Иако постојат дефинитивно ситуации каде што овој тип на хирургија е потребен, кога еднаш ‘рбетот е сплотен, постојат само неколку други опции за третман на располагање, ако операцијата не е успешна. Поради оваа причина, се препорачува сите други опции за третман да бидат исцрпени пред прибегнување кон инвазивен вид на операција, освен во итни случаи во кои се заканува трајно невролошко оштетување.                                                  

Предупредувачките знаци кои укажуваат на алармантна состојба во која операцијата треба да се направи брзо за да се спречи постојано оштетување на нервите вклучувајќи и ненадејна појава на парализа се губење на контрола на дебелото црево и / или мочниот меур  и / или  појава на “седло анестезија” (губење на осетот во препоните, слабините и долниот дел на задникот).

 Освен во итни ситуации кои тукушто ги споменавме, јас ви препорачувам да добиете мислење на најмалку двајца доктори или уште подобро три или четири, пред да се одлучите да се направите операција.
Замена на диск:

Сакам да накратко да ја покријам оваа тема како посебно прашање кое е одвоено од хирургијата, бидејќи тоа е еден од најновите третмани за проблемите со дискот. Овој хируршки зафат вклучува отстранување на  оштетениот диск и заменува со вештачки диск. Првичните резултати за оваа постапка се поволни во споредба со другите хируршки методи но
сепак оваа операција ги сноси истите ризици како и другите оперативни зафати врз кичмата, и долгорочните резултати се уште се во голема мера непознати.
Еден од заедничките проблеми со другите типови на операции врз ‘рбетот веројатно се уште би бил проблемот со зараснувањето на ткивото на лузната. Бидејќи како што рековме ова ткиво создава неколку проблеми кај другите видови на операции на ‘рбетот, постои добра шанса и кај овој тип на операција на замена на дискот ( иако помодерен и понапреднат тип на операција при проблеми со дискот ), да не може да обезбеди долгорочни резултати на кои што повеќето пациенти се надеваат..

 Заклучок :

 Се надевам дека оваа информација ќе ви биде од корист. Ако страдате од проблеми со дискот, мојот најдобар совет е да имате надеж и да бидете трпеливи. За повеќето проблеми со дискот постои решение. Големи се шансите дека ќе се чувствувате добро повторно , само тоа може да потрае некое време. Значи, пробајте да мислите позитивно и целосно да го следите третманот за кој што сте се одлучиле.
Со среќа !

Болки во грбот/Дискус хернија

Дефинирање на термините

Првиот чекор во разбирањето на проблемите со болки во ‘рбетот е да се дефинираат термините кои се често користени од лекарите за да се опише состојбата на пациентот. Лекарите често не се многу добри во објаснувањето на работите на нивните пациенти, а некои дури и не се ни обидуваат. Да почниме со објаснување на често користените термини кои ги слушате кај вашиот лекар или ги имате прочитано на медицинскиот извештај.

Диск

Дискот е меко ткиво кој лежи помеѓу прешлените на рбетот. Изграден е од два дела. Има надворешен прстен изграден од  ‘рскавични влакна слични на ткивото од кое е изградено увото. Надворешниот прстен е тврд  но еластичен и се нарекува анулус(Annulus). Вториот дел од дискот е внатрешното јадро кое  претставува супстанца во вид на гел  со конзистентност на паста за заби. Ова внатрешно тело се нарекува нуклеус пулпозус (Nucleus Pulposus) или  само јадро. Јадрото е тоа што му дава на дискот квалитет(својство) на абсорпција на стрес.Следнава илустрација ги прикажува локацијата и компонентите на ’ рбетните дискови во долниот дел на грбот.

Фигура1. Анатомија на лумбален рбет, страничен приказ на ‘рбетот и прешлените и поглед од горе на диск

Дискус хернија или испакнат диск.

Кога дискот се повреди и потпорниот ѕид е ослабен(АНУЛУС), притисокот од гелот во центарот(нуклеус) ќе предизвика иизпакнување на потпорниот ѕид нанадвор.

Термините хернија и испакнување се синоними, но многу лекари големите испакнувања ги нарекувааат ХЕРНИИ, а малите испакнувања-само  ИСПАКНУВАЊЕ. Друг  термин кој се користи да се опише издувањето е ПРОТРУЗИЈА на диск.

Слизнат диск

Иако често користен термин, дискот всуштност не се лизга, тој е цврсто поврзан со коските(прешлените) од горе и од долу. Ако настани вистинско слизнување , тогаш вие имате многу поголеми проблеми од  самиот диск. Слизнат диск во суштина е дискус хернија или издуен диск, кое веќе го дискутиравме.

Фигура 2. Дискус хернија/пред руптура(раскинување). Поглед од горе на диск и прешлен и приказ на дискус хернија и притискањето на рбетниот мозок и нерв.

Руптура на диск

Кога дискот е оштетен до степен на губење на  целоста на потпорниот ѕид(анулус)  се вели дека дискот е пукнат т.е  има руптура на дискот. Ова понекогаш се нарекува дисково истекување. Ова е потешка повреда од  дискова хернија или испакнат диск. Во случај на руптура на диск гелот од јадрото истекува надвор од дискот. Во некои случаи дел од гелот возможно е да се оддели комплетно од дискот. Ова се нарекува секвеструм/издвоен фрагмент.

Притиснат нерв

Притиснат нерв е уште еден често користен термин со кој не се опишува најточно што во суштина се случува. Многу луѓе си претставуваат како нервот е притиснат помеѓу две коски. Тоа е премногу редко нерв да се притисне помеѓу коски.

Во случај на испакнат диск или руптура на диск, материјалот  кој е надвор од дисковото пространство може да го притисни чуствителниот дел од нервот, таму каде што се одделува од ‘рбетниот мозок и да предизвика доволна компресија за да се создаде болка, трнење, слабост и други симптоми.

Докажано е дека делот од нервите каде што се разгрануваат од ‘рбетниот мозок  е многу чуствителен и само тежина на монета може да предизвика промени  во функцијата на нервот.

Во некои случаи врз нервот може да се изврши притисок од оток предизвикан од  инфламаторен процес при повреда на диск. Ако некогаш сте си го удриле прстот со чекан знаете колку притисок може да се создаде од отокот.

Дегенерација на диск

Освен испакнувања и руптури друг основен проблем што можи да се случи со дискот е дегенерацијата. Дегенерацијата претставува  постепено губење на течност од дискот во продолжение на подолг временски период како резултат на што дискот станува се потенок и потврд. Ова е долгорочниот ефект од повреда на диск, и може да биде со или без дискус хернија или испакнување. Дегенерацијата се карактеризира со губење на течност од дискот и некогаш се нарекува сушење на дискот.Како последица на дегенерацијата на дисковите се јавуваат други проблеми. Како што дисковите стануваат потенки фасетните зглобови на рбетниот столб се повеќе се компресираат и зглобните површини се тријат  помеѓу себе повеќе од нормално. Тоа може да предизвика оштетување на зглобовите и да се предизвика разраснување на дополнително коскено ткиво околу нив. Ова дополлнително разраснување на коскено ткиво предизвикува создавање на коскени шилци . Кога ова се случува околу рбетните зглобови тогаш станува збор за артроза на фасетните зглобови или почесто наречен дегенеративен артрит.

Дегенерација на диск

Фигура 3.Дегенерација на диск.  Споредба на рентген снимка на рбетен столб, нормален рбет(лево) и рбет со дегенериран диск(десно). Дискот не може да се види на рентген снимка, но можеме да го забележиме просторот помеѓу самите прешлени.

нормален дел од ‘рбет

дел од ‘рбет со дегенериран диск

Фигура 4. Споредба помеѓу нормален дел од рбет(горе) и дел од рбет со дегенериран диск(долу). Забележете ги формата и изгледот на дискот, прешлените  и нервите во нормалниот ‘рбет и дегенерираниот ‘рбет. Како што дискот продолжува да изумира, коските ќе сраснуваат една со друга и дополнително ќе се притискаат нервите.

Стеноза – Stenosis

 Стенозата едноставно се однесува на стеснување на отворот . Овој термин исто така се користи да ги опише промените во крвните садови како и промените во ‘рбетот . Во ‘рбетот има два главни видови на стеноза кои што опишуваат кои отвори се стеснети .

“‘ Рбетната стеноза “ – ( Spinal stenosis ) која е исто така наречена  “ Стеноза на централниот канал “ – ( central canal stenosis ) , се однесува на стеснувањето на отворот каде што поминува ‘рбетниот мозок низ еден дел од ‘рбетот .

“ Фораминалната стеноза “ – ( Foraminal stenosis ) исто така наречена     “ нервна стеноза “  – ( neuroforaminal stenosis ) се однесува на стеснувањето на отворите каде што нервите излегуваат од ‘ рбетот .

Стенозата може да биде предизвикана од страна на неколку различни работи . Една причина е испапчувањето или  раскинувањето на дискот каде што материјалот од дискот зазема дел од отворот ( како што е покажано на Слика 2 ) .  Стенозата исто така може да биде предизвикана од страна на дополнителни коски и / или формација на меко ткиво кое што се создава при дегенеративен артритис . Конечно иако ретко стенозата може да се случи од тумор или нешто друго што зазема простор во отворите на ‘рбетот .

План за третман

План за третман

Историјата и наодите на секој пациент се уникатни и затоа и планот за третман ќе биде уникатен. Откако ќе го завршиме нашето оценување,  наодите ќе ви бидат објаснети на вас со начин кој ќе ви помогне да ги разберите вашите симптоми и специфичните нарушувања кои веројатно ве довеле до сегашната ситуација.  Зајакнувајќи ве вас со неопходното знаење за да направите промени во начинот на користење на вашето тело е клучен дел од нашата програма и ова започнува со разбирањето за тоа  зошто сте таму каде што сте и што можите да направите(заедно со нас) околу тоа.

Ние користиме многу различни форми на третман и секој еден  се користи поради специфична причина. Ако имате било какви прашања околу вашиот план за третман, како на пример:

–          Како мануалните техники работат или

–          Зошто некоја посебна вежба е толку важна или

–          Зошто е неопходно да го промените начинот на седење, стоење или  трчање- слободно прашувајте.

Нас вистински ни е потребно вие да бидете посветен учесник во оваа програма  за таа да биде успешна. Вашето лекување нема да започни се додека не се согласите со планот за третман.

Оценка на вашата состојба

 

Целиот  третман се базира врз темелно и постојано оценување, од кое ќе биде развиен специфичен план за лекување.

Изслушување на  вашата историја

Вашето искуство со нас ќе почне со овој значаен дел на оценувањето – Изслушување на  вашата историја од ваша перспектива. Тоа е многу важно за да го разбереме патешествието кое ве донесе низ нашата врата и кои се вашите цели, и очекувања од нас. Во текот на кажувањето на вашата историја ќе ви бидат поставувани специфични  прашања кои ќе ни помагаат да ги разбереме вашите основни поплаки  (симптоми значајни за вас од кои би сакале да се ослободите) и вашето мислење за вашиот проблем.

Понатaмошни специфични тестови

Во зависност од тоа што гледаме како ги извршувате вашите активности кои ви ги  предизвикуваат симптомите, ние последователно  ќе избереме специјални тестови со кои ќе ја процениме состојбата на  соодветните зглобови, мускули, фасции, нерви или органи и сл., за да утврдиме каде се точно проблемите кои допринесуваат за целокупната ваша историја.

Целта ни е да ве зајакнеме вас со знаење и да ве  мотивираме  за да можете да ги направите  промените кои се неопходни за подобро здравје. Знаењето и свесноста за она што се случува е половина битка во промената на работите.

Болката е нормално преживување

Зошто ме боли?

 

 

Болката е нормално преживување

 

Болката е нормално, но е непријатно преживување што го чуствуваш во одговор на тоа што вашиот мозок верува дека е во застрашувачка ситуација и може да се предизвика актуелна или потенцијална повреда на ткива(Butler & Moseley, 2003).

Преживувањето на болка е тоа што те мотивира да забележиш дека има повреда на ткиво и да направиш нешто околу тоа. Кога случајно ќе стапните на остар предмет вашиот мозок ве алармира за повреденото ткиво и вие брзо ќе го преместите стапалото од предметот за да се предпазите од посериозна повреда. Мислете на вашата болка како на систем за алармирање; тој има способност да испраќа заплашувачки пораки до вашиот мозок тогаш кога вашиот мозок ќе разбери дека е во опасност. Вашиот мозок тогаш ја испраќа оваа заплашувачка порака и решава која е необходната акција што треба  вашето тело да ја исполни за да ве претпази од понатамошна повреда на ткивото(како што е преместување на стапалото од остариот предмет).Системот е  суштествен за вашето опстојување.

 

Болката е лош маркер за оштетувањето на ткивото

 

Само што спомнавме дека болката е поврзана со промени вo вашите ткива. Постуралните болки, болките од најавнат глужд или болка од издут диск, сите тие се резултат на различен степен на повреда на околните ткива. Вие би претпоставиле дека колку е поголем степенот на оштетување на ткивото толку е поголема и болката. Тогаш зошто малите секнувања на прст се толку болни?Зошто е со толку болки мигрената?

 

Тоа што сега можеме да го разбериме е дека големината на болката не секогаш е точен показател за степенот на оштетување на ткивото. При секнувањето на прст има мало оштетување на ткиво, но степенот на болка обично е многу висок, додека некои опасни по живот видови на рак можат да одат неоткриени со години се додека не се појават поврзани со нив симптоми. Ова го истакнува нашето разбирање дека болаката е многу покомплексен феномен отколку што очекуваме!

 

Физио-Рехаб

Единствен центар во Македонија каде се третираат сколиози по методот на Schroth-најпопуларен и најефикасен козервативен метод за борба со сколиозата!

Вашата прва посета на физиотерапевт и дијагностицирање

Што да очекуваш!

Вашата прва посета на физиотерапевт и дијагностицирање

На вашата прва консултација Физиотерапевтот ке ви земе детална медицинска историја, вклучувајќи информации за вашиот начин на живот, како што се степенот на физичка активност, работна средина,исхраната, заедно со целосната релевантна медицинска историја. За да ви осигури правилна физиотерапевтска програма по вашиот проблем, Физиотерапевтот ќе се интересира што го предизвикува вашиот проблем. Како на пример дали проблемите во рамото се предизвикани од лезија на ротаторите од многуте часови секојдневно поминати на биро пред компутер или причината е друга, како на пример рефлексна болка од стегнат мускул на вратот.

Откако ќе ви се земе целостната историја  Физиотерапевтот ќе ве изследува како движите. Можно е да треба да се ослободите од дел од вашата облека и да исполните серии од едноставни движења. Физиотерапевтот ќе ја оцени вашата подвижност набљудувајќи обемот на движење, рбетниот столб, рамењата и мускулите со кои ги извршувате движењата. Прeгледот со функционалната диагностика ќе продолжи до половина час, по што следи третман со траење од триесет до четириесет минути.

Треба да се знае дека Физиотерапевтот е обучен да препознава кога физиотерапијата не може да помогне и кога да го упати пациентот на доктор. Физиотерапевтот нема да започне со третманот се додека целосно не ја разбере вашата состојба и што треба да биде направено за да ви помогне.

Дефиниции за сколиза по Schroth

Сколиозата повеќе или помалку е фиксирана ‘рбетна аксиална девиација во зависност од  функционалниот и структурниот аспект на болеста.

‘Рбетното искривување е придружено од типични деформитети на трупот, странични искривувања во лицева и ротации во напречна рамнина во согласност со локацијата на искривувањата.

Искривениот ‘рбет ја намалува својата должина и предизвикува асиметрична телесна статика придружена од асиметрично натоварување на рбетот кои заедно со процесот на растење ја засилуваат прогресијата на сколиозата, телесната скица има негативно влијание и создава непријатна телесна слика. Сколиозата многу често се класира како козметична деформација затоа што не ги засегнува функциите се додека искривувањето не е доволно големо да го притисне белиот дроб и срцето и да ја засегне кардиоваскуларната функција.

Во сагиталната рамнина се забележуваат хипокифоза во торакалниот и хиполордоза во лумбалниот дел на рбетот и дополнителна хиперлордоза во лумбо-сакралното поврзување е возможно.

Со класификацијата идиопатска се означува дека е  не се познати причините т.е. етиологија за болеста. Во согласност SRS (Scoliosis Reasearch Society) треба да има Cobb агол повеќе од 10 степени. Најголем број од сколиозите се идиопатски сколиози (ИС) и се наоѓаат во 80% од случаите.

Другите 20% се сколиози со позната етиологија како вродерна, невропатска, невромускулна,…

Групата на идиопатската сколиоза се дели на 3 подгрупи во однос на првата детекција на знак за  сколиоза:

–          Детска идиопатска сколиоза (ДИС) возраст од 0-3 год.

–          Јувенилна идиопатска сколиоза (ЈИС) возраст од 4-9 год.

–          Адолесцентна идиопатска сколиоза (АИС) возраст >9

Нова група од идиопатската сколиоза помалку или повеќе е и  сколиозата при возрастни. Таа се појавува после скелетното оформување како “повторно прогресирање” на долго време стабилна сколиоза. Така наречената дегенеративна сколиоза започнува во периодот после менопауза придружена од болка во лумбален рбет, странична листезија, сегментална нестабилност или остеопороза.

Дефиниции за сколиоза

Дефиниции за сколиоза

Идиопатската сколиоза претставува комбинација на усукани региони сврзани од соединувачки зони. (Doubousset 1992)

Сколиозата е сложен процес на деформирање на трупот вклучувајќи, морфологични промени и целосно видоизменување на рбетот, кои се поместуваат од нормалната позиција во сагиталната рамнина, во комплексна три димемензионална торзиона геометрија во просторот. (Aubin 1998)

Сколиоза е термин  кој се користи да се опиши странична кривина на рбетот. Во повеќето случаи се инволвирани торакалните прешлени, чија оскова ротација ја подпомага три димензионалната деформација на трупот. (Moe/Nachemson / Lehnert-Schroth)

Многу вариации на кривини на рбетот се наоѓаат и во луѓе кои се во добра здравствена кондиција….. (Хипократ)

Искривувања поголеми од 10 степени измерени по Cobb  се разгледуваат како деформација. Страничното ‘рбетно искривување се нарекува сколиоза, по грчкиот збор “skolios” што значи искривен. (Hawes 2003)

Структурната сколиоза е сврзана со загуба на флексибилност во еден или повеќе сегменти на искривениот рбет. Прешлените се сковани во во ротирана позиција, ребната грбка е ригидна, нормалната градба на на градниот кош се видоизменува а дисковите помеѓу прешлените се притиснати или клиновидни. (Lonstein 1995)

Возможно е пoвеќето от структурниоте рбетни деформации да започнуваат како функционални искривувања и стануваат фиксирани по определено време. (Goldberg 1978, Riseborough/Herndon 1975)